2010-10-21: Al hoe meer wapens glo by polisie gesteel

http://www.volksblad.com <br>briewe@volksblad.com

Moderator: AfrMod

2010-10-21: Al hoe meer wapens glo by polisie gesteel

Postby GOSA » Thu, 2010-10-21 09:08

http://www.nuus24.com/Suid-Afrika/Nuus/ ... 20101021-2

Al hoe meer wapens glo by polisie gesteel
2010-10-21 08:02

Lizel Steenkamp

Kaapstad - Tot 3226 polisiewapens is die afgelope boekjaar gesteel of verloor.

Dit is ’n toename van 17% in vergelyking met die 2008-’09-boekjaar toe 2759 wapens gesteel is en die derde jaar in ’n ry dat die polisie dié diefstalle nie onder beheer bring nie.

Dianne Kohler Barnard, DA-LP, het Woensdag gesê sy gaan die ouditeur-generaal versoek om die polisie se vuurwapenbeleid te ondersoek. “Dis duidelik dié stelsel werk nie en gewone Suid-Afrikaners se lewe word in gevaar gestel omdat polisiewapens op straat beland.”

Genl. Bheki Cele, nasionale polisiehoof, het onlangs in die parlement gesê net 233 polisiewapens is in die 2009-’10-boekjaar teruggevind.

Volgens Kohler Barnard word beamptes nie vir die wapenverliese aanspreeklik gehou nie – net 26 beamptes is aan tugstappe onderwerp en net 18 is skuldig bevind.

Intussen het lt.genl. Richard Mdluli, nasionale intelligensiehoof, Woensdag aan die portefeuljekomitee oor polisie gesê tot R39,1miljoen is die afgelope boekjaar aan geheime informante vir inligting betaal.

“Op sy beste is dit ’n groot uitdaging om informante te betaal, want dis nie asof jy ’n faktuur (vir hul dienste) ontvang nie. Al waarop hul name verskyn, is ’n informantregister,” het Mdluli gesê.

’n Spesiale komitee beraadslaag egter oor die bedrag wat aan elke informant betaal word en volgens hom verhinder dit dat korrupsie plaasvind of die stelsel misbruik word.

- Volksblad
What have YOU done for YOUR rights today?
GOSA
Site Admin
 
Posts: 1604
Joined: Sun, 2006-01-29 15:42
Location: South Africa

Return to Die Volksblad

Who is online

Users browsing this forum: No registered users and 1 guest

cron